Sveinbjorn Thordarson

Í dag skrifaði Geir nokkur Ágústsson færslu á blogg frjálshyggjumanna sem ber heitið "Að gera Jesús [sic] úr manni". Í þessari færslu segir Geir það "að skapa verðmæti þar sem engin voru áður, [að] finna nýjar leiðir til að lækka vöruverð og bola keppinautum af markaðnum með hjálp neytenda og notenda, [...] að vera snjallari en við hin, [...] [að] sjá tækifæri þar sem aðrir sjá einokun eða erfiðleika" vera "hugarfarið sem skilur Íslendinga frá öpunum."

Nú ætla ég rétt að vona fyrir sakir okkar allra að það séu aðrir og betri hlutir sem skilji Íslendinga frá öpum, þ.á.m. listir, menning, heimspeki og hið mælta mál. En greinilega er ég á röngum slóðum, líkt og Aristóteles, sem sagði það eðli mannsins að vera skynsöm tvífætt lífvera.

En hér er ekki numið staðar -- þetta gerist enn betra: "Á meðan við höfum græðgi þá höfum við hvata sem mun lyfta okkur enn hærra en okkur getur dreymt um." Já, það er nú aldeilis. Mér verður helst hugsað til spekúlantsins Gordon Gecko úr kvikmynd Olívers Stone, Wall Street:

Þetta er athyglisverð lífsspeki. Lítum á hvað orðabók hefur um græðgina að segja:

greed
       n 1: excessive desire to acquire or possess more (especially 
           more material wealth) than one needs or deserves
       2: reprehensible acquisitiveness; insatiable desire for wealth
          (personified as one of the deadly sins) [syn: avarice, 
           covetousness, rapacity, avaritia]

Kannski er ég bara eitthvað úr takt við hýperkapitalistískann samtímann, en mér hefur ávallt skilst að græðgi sé löstur en ekki dyggð.

Ég var að prufa Movable Type kerfið, og það er frekar mikill turdur að mínu mati. Skil ekki afhverju þetta er svona vinsælt. Nú hef ég prufað nokkur svona vefútgáfukerfi, þ.á.m. WordPress o.fl., og mér þykir þau öll frekar léleg.

Afhverju geta þessi kerfi ekki búið til einfaldar undirsíður í stað dagsettra færslna?

Afhverju nota þau öll ónauðsynlega flókið og klaufalegt template-based fyrirkomulag til að stjórna útlitinu ásamt einhverjum bannsettum SGML töggum?

Ég held mig við Mentat...

...og já, by the way, það er komið RSS feed aftur fyrir síðuna mína, courtesy af Mentat 2.1.

Þið sem heimsækið vefsíðuna mína í Internet Explorer! Já, þið þarna aumu vesælingar. Hættið þessu! Já, heyriði það! Hættið þessu. Ég er búinn að fá nóg af ykkur. Hættið að menga Internetið með vöfrun ykkar. Hættið þessu. Þið tuttugu og fjögur komma fjögur prósentin eruð alsyngjandi aldansandi skítur alheimsins. Skamm!

Úr Morgunblaðinu í dag:

Segja hagnað af tóbakssölu notaðan til að niðurgreiða áfengi

Svo virðist sem hagnaður Áfengis- og tóbaksverslunar ríkisins (ÁTVR) af sölu tóbaks sé notaður til þess að niðurgreiða rekstur á sölu áfengis, að mati Samtaka verslunar og þjónustu (SVÞ), sem beita sér fyrir því að sala á áfengi verði gefin frjáls.

"Það er verið að fara með rangt mál þegar því er haldið fram opinberlega eins og hefur verið gert að álagningin hjá ÁTVR sé svo lág, þeir komist af með 13% álagningu á léttvíni til dæmis. Þetta er bara ekki rétt, það er tóbakið sem stendur undir þessu," segir Sigurður Jónsson, framkvæmdastjóri SVÞ.

Varlega metið er tap ÁTVR af sölu áfengis á síðasta ári um 260 milljónir króna, en alls varð 473 milljón króna hagnaður af rekstri félagsins á síðasta ári, segir Sigurður. Ekkert kemur fram í ársskýrslu ÁTVR fyrir síðasta ár að um tap sé á sölu áfengis, en Sigurður segir að með því að reikna út kostnað fyrirtækisins og bera hann saman við hagnað af sölu tóbaks annars vegar og áfengis hins vegar komi tapið í ljós.

...

Helvítis djöfulsins merðir...

Jæja, ég er með gátu sem ég skora á fólk að leysa:

Einn morguninn ákveða þrír menn, Herra Svartur, Herra Grár og Herra Hvítur að leysa deilur sín á milli með því að fara í "tvívígi" með skambyssum þar til aðeins einn stendur eftir. Herra Svartur er lélegasta skyttan, og hittir það sem hann miðar á í þriðja hvert skipti, að meðaltali. Herra Grár er betri skytta, og hittir í mark að meðaltali tvö af hverjum þremur skiptum. Herra Hvítur er besta skyttan, og hittir í mark í hvert einasta skipti. Til að gera tvívigið sanngjarnara, hafa þeir sett það upp þannig að Herra Svartur fær að skjóta fyrst, og honum fylgir Herra Grár (ef hann er enn lifandi), og loksins Herra Hvítur (ef hann er enn lifandi), og svona mun það fara hring eftir hring þar til aðeins einn stendur eftir.

Spurningin er þessi: Hvert ætti Herra Svartur að miða fyrsta skotinu sínu?

Ég er búinn að færa fyrirlestur eftir Þorstein Gylfason heitinn í tölvutækt form hér á vefnum. Þetta er "Rauður fyrirlestur" gegn frjálshyggju frá 1981.

Ég mundi ekki óska því upp á neinn að þurfa að standa í öllu því veseni sem fylgir umsóknum um framhaldsnám á háskolastigi erlendis...

Jæja, núna er ég búinn að setja upp vefsíðu fyrir Soffíu, félag heimspekinema.

Annars er Charles Sanders Peirce frábær penni:

Myndir úr ferðinni komnar upp. Ég minni á að notendanafn og lykilorð til að skoða myndirnar er orðið "hvítt" á ensku

Hérna eru nokkrar myndir sem ég tók úr afar óhugnalegum útrýmingarbúðum Nasista í Póllandi.

Arbeit Macht Frei -- Vinna gerir þig frjálsan

Zyklon B Giftgas hylki	Fleiri tonn af Judenhaar sem átti að nota í iðnað, selt á 50 pfennig kílóið

Das Krematorium -- Líkbrennsluofnarnir

Eg er a lifi, og thad er enn ekki buid ad raena ur mer neinum liffaerum. Eg er heldur ekki buinn ad drekka mig til dauda.