Allt passíft í íslenskri fréttamennsku

12.1.2018 kl. 22:19 - Sveinbjörn Þórðarson

Eitt af því sem maður lærir af enskum bókum um blaðamennsku er að góðar, vel skrifaðar fréttar segja lesendum hver gerði hvað hvernig, hvar og hvers vegna. Þessi skynsömu prinsíp virðast því miður ekki vera í hávegum höfð hjá íslenskum fréttamönnum. Í fréttum á Íslandi er t.d. oft ekki skýrt hver gerandinn er. Heilu fréttirnar eru jafnvel skrifaðar í passive mode. Tökum eftirfarandi setningu úr nýlegri frétt á RÚV:

Greint hefur verið frá því að til standi að endurskoða innheimtu veiðigjalda.

Hver greindi frá því? Hvenær stendur það til? Hvers eðlis er endurskoðunin? Af hverju er verið að gera þetta? Hver ber ábyrgð?

Það er allt saman óljóst. Það eina sem lesandinn meðtekur er að eitthvað standi til, og að einhver (hver?) hafi greint frá því. Skelfilega slöpp fréttamennska og slappur fréttamannastíll.

Separator