Sveinbjorn Thordarson

Sjö af hverjum tíu trúarheimspekingum ("philosophers of religion") trúa á æðri máttarvald.

Kemur ekki beinlínis á óvart. Þetta ku vera deyjandi undirgrein heimspekinnar, enda staðhæfingar trúarbragða svo átakanlega mikil þvæla að engin sæmilega þenkjandi manneskja með glæstan akademískan feril framundan kysi sjálfviljug að eyða ævi sinni í að svitna áratugum saman yfir trúspekilegum hártogunum.

Eins og greinarhöfundur bendir á: Ef guð er til, þá er trúarheimspeki mikilvægasta undirgrein heimspekinnar. Ef ekki, þá er hún eitt ómerkilegasta viðfangsefni mannsandans.

Ekki erfitt að sjá hvert vindurinn blæs í þessum efnum.