Sveinbjorn Thordarson

Ég vinn fyrir framan tölvu alla daga. Það er mikill kostur að geta hlustað á tónlist allan daginn í vinnunni. Hins vegar hef ég átt frekar léleg heyrnatól svo árum skiptir. Þegar þau gáfu upp öndina um daginn fór ég og keypti ég mér dýr, frekar ljót en alveg ótrúlega góð Sennheiser heyrnatól.

Þetta er allt annað líf. Ég er alveg að heyra nýjar víddir í tónlist sem ég þóttist þekkja út og inn. Hins vegar komst ég að því að stafræna tónlistarsafnið mitt, sem hefur hægt og rólega byggst upp frá árinu 1997, er meira og minna handónýtt. Stór hluti af allri tónlist í safninu mínu er í svo lélegum gæðum að það er ekki hlustandi á hana í svona góðum heyrnatólum. Ég hafði aldrei spáð neitt í þessu fyrr en nú, heyrði ekki þruskið og encoding artefacts í 128 kbita CBR MP3. Nú mun ég þurfa að skipta út og endurnýja u.þ.b. 20GB af tónlist.