Sveinbjorn Thordarson

Jæja, þá er hún komin út, bókin um frjálshyggjuna sem ég á stuttan kafla í.

Hún ber heitið Eilífðarvélin: Uppgjör við nýfrjálshyggjuna. Kolbeinn Stefánsson ritstýrir.

Kaflinn minn fjallar stuttlega um hugmyndasögulegar rætur frjálshyggjunar, en ég rek þær aftur til einstaklingshyggjunnar í stjórnspeki Tómasar Hobbes og svo til bjartsýnisheimspeki Upplýsingarinnar, þ.e.a.s. ást hinna ýmsu upplýsingarspekinga á alhæfum, axíómatískum lausnum í stjórnspeki á grundvelli mannlegrar skynsemi.

Hérna er smá umfjöllun um bókina á Smugunni.

Kistan.is birtir síðan útdrátt úr fyrsta kaflanum (sem Kolbeinn skrifaði).

Bókina má panta á vef Háskólaútgáfunnar, en annars skilst mér að hún komi í Bóksölu stúdenta innan skamms.

Uppfærsla: Ég henti inn á síðuna stuttum útdrætti úr kaflanum mínum.