Sveinbjorn Thordarson

Fyrir 3 árum, í tíma í vísindasögu við King's College í London, kynntist ég þýska 16. aldar alkemistanum og "lækninum" Paracelsusi. Paracelsus hét upprunalega Phillip von Hohenheim, en breytti því auðvirðilega nafni yfir í Theophrastus Philippus Aureolus Bombastus von Hohenheim. Hann var þekktur sem Paracelsus, sem þýðir "ofar en Celsus", en Celsus var víðkunnur rómverskur læknir. Auðmýkt var Paracelsusi framandi; hann áleit sig langtum fremri fræðimann en allir spekingar fornaldar samanlagðir.

Það fyrsta sem ég velti fyrir mér þegar ég las um hann var hvort enska lýsingarorðið bombastic væri dregið af nafni hans. EtymOnline segir að svo sé ekki. Því miður. Paracelsus var nefnilega einstaklega bombastic, alveg með eindæmum hrokafullur. Ég sprakk úr hlátri þegar ég las eftirfarandi málsgrein í einu riti hans:

I am Theophrastus, and greater than those to whom you liken me; I am Theophrastus, and in addition I am monarcha medicorum and I can prove to you what you cannot prove...I need not don a coat of mail or a buckler against you, for you are not learned or experienced enough to refute even a word of mine...As for you, you can defend your kingdom with belly-crawling and flattery. How long do you think this will last?...Let me tell you this: every little hair on my neck knows more than you and all your scribes, and my shoe buckles are more learned than your Galen and Avicenna, and my beard has more experience than all your high colleges. – Paracelsus, Selected Writings (1951), 79-80.

Maður þyrfti að leggja þetta á minnið. Gott að geta kastað einhverju svona fram ef maður er spurður erfiðrar spurningar eftir fyrirlestur. Horfa bara illilega á viðkomandi og segja "every little hair on my neck knows more than you and all your scribes, and my shoe buckles are more learned than your authorities, and my beard has more experience than all your high colleges."