Sveinbjorn Thordarson

Nú þegar langi armur bandarískra laga er búinn að festa klærnar í Roman Polanski varð mér hugsað til þess hversu mikið mér þykir til kvikmynda hans koma. Polanski hefur leikstýrt mörgum yfirburðargóðum kvikmyndum, þ.á.m. Chinatown, Rosemary's Baby, The Pianist og síðan hinni ógleymanlegu Bitter Moon.

Skoðanir eru hins vegar skiptar um nýlega kvikmynd hans, The Ninth Gate (1999), sem mér þótti helvíti góð. Svo er tónlistin í henni alveg frábær, en hún er eftir meistara Wojciech Kilar. Um daginn benti ég Hjalta Snæ á þessa mynd en hann fussaði og sveiaði eftir að hafa horft á hana, fannst hún vond. Að sama skapi hafa aðrir vinir mínir látið í ljós vanþóknun sína. Er ég eina manneskjan sem finnst Ninth Gate vera góð kvikmynd?