Ég man ekki hvort ég hef skrifað um það hér áður, en með styrknum mínum hérna í Edinborg fylgir kennsluskylda. Ég kenni tvær klukkustundir á viku í kúrsinum European History I, og er með tvo hópa af saklausum ungum fyrsta-árs nemum -- flestir ekki meira en 18 ára gamlir. Deildin gefur mér mikið frelsi í hvernig ég skipulegg náms- og lesefni þeirra, og mér datt í að það gæti verið gaman að vísa hérna í vefsíðuna fyrir tutorial tímana sem ég kenni. Eins og má sjá, þá eru áherslurnar hugmyndasögulegar, í samræmi við áhugasvið mitt.
(Sveinbjörn)
Add Comment |
RSS Feed
Jú, það er mjög fínt. Ég hafði svolitlar áhyggjur fyrst um að ég myndi ekki vita nógu mikið um evrópusögu -- eftir allt saman, þá er ég menntaður heimspekingur sem skipti yfir í sagnfræði á graduate stigi. Hins vegar komst ég mjög brátt að því að krakkarnir vissu ekki rassgat um nokkurn skapaðan hlut, og ég reyndist langtum fróðari um meira og minna öll viðfangsefni sögunnar heldur en greyin. Ég fæ síðan tækifæri til þess að koma á framfæri mínum eigin hugmyndum um hvað sé áhugavert, og hvernig sé best að nálgast það, sem er ágætt. Ég held að fólk sé alveg ánægt með mig sem kennara -- veit t.a.m. að fólk hefur skipt úr öðrum hópum yfir í hópana mína.
0
▽
Nú ertu farinn að endurtaka sjálfan þig. Einhver bloggþurrð í mönnum?