Bakpokanum mínum með fartölvunni minni var stolið í gær og ég er núna tölvulaus. Tölvuleysið er það hrikalegasta sem hefur komið fyrir mig í langan tíma. Mér líður eins og Samson án hársins. Ef tryggingarnar bæta þetta ekki þá setur þetta mig aftur um 200 þúsund krónur -- og það eru 200 þúsund krónur sem ég hef engan veginn ráð á að missa.
Lán í óláni þá gerði ég afrit með Time Machine í gærmorgun, þannig að ég missi allavega ekki gögnin mín. Það hefði verið ómælanlega hrikalegt að missa mastersritgerðina. Þetta setur mig þó aftur um 2 daga af vinnu.
Ég sé nú mikið eftir því að hafa ekki sett Firmware Password á vélina. Mig hryllir við tilhugsunina að einhver sé að njóta fallegu Mac Book Pro tölvunnar mínnar og gramsa í gögnunum mínum.
Ekki hjálpar að það voru tvær bókasafnsbækur í bakpokanum mínum sem ég mun væntanlega þurfa að bæta safninu. Það sem verra er, þá voru þetta bækur sem eru mikilvægar fyrir mig við að vinna að mastersritgerðinni. Það á eftir að vera erfitt að grafa upp önnur eintök.
Ég vona að skíthællinn sem stal bakpokanum mínum fái krabbamein og deyji kvalarfullum, einmanalegum dauðdaga.
(Einar Örn)
Add Comment |
RSS Feed
0
▽
Innilegar samúðarkveðjur.
Símanum mínum var stolið um daginn og einhver fór að hringja til +77 sem ég veit ekki hvað er.
En, geturðu ekki einhvernveginn trackað niður tölvuna þína? IP- eitthvað töluleit á netinu eða hakkedíhakk?