Mér hefur ávallt þótt mbl.is ömurlegur vefur. Hann er pakkaður af Flash-auglýsingum og rotating GIF myndum sem senda processor loadið hjá mér upp í 40% á gömlu Powerbókinni minni. Það er allt morandi í hlekkjum yfir á drasl sem ég hef engan áhuga á (Stjörnuspeki? Barnaland?), og þar að auki eru tenglar í hverri frétt yfir á athugasemdir einhverra no-name bloggara sem tjá sínar mediocre og banal skoðanir um málið.
Smá athugun í Activity glugganum í Safari vafranum sýnir að heimsókn á forsíðu mbl.is sendir út 103 HTTP beiðnir um external resources. Jessör, 103 external resources -- á borð við stóra, feita, úrkynjaða MySpace ruslsíðu. Til samanburðar, þá sækjast á bilinu 7-10 external resources við heimsókn á forsíðuna á sveinbjorn.org, og einungis 4 á vefsíðu vefnotkunarsérfræðingsins Jacob Nielsen. Það er eitthvað mikið að hérna.
Konráð nokkur hefur búið til viðbót fyrir Firefox vafrann sem fjarlægir hlekkina og tilvísanirnar í blog-athugasemdir á mbl.is. Þetta er bæði sniðugt og skynsamlegt -- en Konráð gengur ekki nógu langt, að mínu mati. Ég vil burt með in-your-face auglýsingarnar. Ég vil burt með stjörnuspekihlekkina. Ég vil burt með allt helvítis nytlausa skrúðrið. Ég vil hreinar og fallegar fréttir á auðlesanlegu formi.
Þess vegna er ég þakklátur fyrir tillitssemi Árvakurs gagnvart sjónskertu fólki:
Já, þarna er hægt að skoða fréttirnar á mbl.is án auglýsinga, í stóru hvítu letri á svörtum bakgrunni -- auðlæsilegt, hleðst samstundis, engar auglýsingar, ekkert blogg-runk.
Mæli eindregið með að fólk uppfæri bókamerki sín.
(Gunni)
Add Comment |
RSS Feed
Þetta fer ekkert í taugarnar á mér. Mér finnst þetta bara gera vefinn meira lifandi. http://mbl.is/mm/greinilegur/">http://mbl.is/mm/greinilegur/er alltof dauður fyrir mig. Ég myndi aldrei nenna að lesa þessa síðu. En bloggið mætti svo sem alveg fjúka...en samt finnst mér ekkert að því að bjóða upp á möguleika á smá umræðu um fréttirnar þó svo að 99% af þessu moggabloggi sé óttalegt runk.
Nei það er ekki nauðsynlegt en það fer bara ekki í taugarnar á mér. Þessi svokallaði greinilegi Moggavefur er bara einfaldlega einum of dauður fyrir minn smekk. Svartur bakgrunnur, stórt letur og lítið af myndum. Ömurlegur vefur.
Ég skil ekki hvað er svona átakanlega grunnt við það að vilja hafa smá lit á síðunni sem maður les. Mér finnst nú frekar sorglegt að vilja hafa allt svart og sterílt í kringum sig. Ég held, Sveinbjörn, að þú sért búinn að vera lokaður of lengi í þessari 5 fermetra holu þinni í Lundúnaborg og farinn að venjast um of myrkrinu þar inni.
Kvameinarru... Hver hefur ekki áhuga á að vita hvernig JónínuBen gengur með stólpípuna?
En ég verð að taka undir orð Einars. Ég væri næstum til í að fyrirgefa þeim layoutið, auglýsingarnar, flash-vitleysuna, bloggtengingarnar, arfalélegan prófarkalestur og allt hitt - ef þau bara gætu hunzkast til að hætta að skrifa allar fréttir í þessum helv. símskeytastíl og sett smá kjöt á beinin, svona aðeins til tilbreytingar.
Prentmogginn er þó skárri, þar stendur raunverulega eitthvað í greinunum.
Hins vegar verð ég að játa að mér þykir ekki mikið til heimasíðu vefnotkunarsérfræðingsins Jacob Nielsen koma.
Já, useit.com er ekki mikið fyrir augað, en hún má eiga það að hún er mjög "usable", og það er nú einu sinni það sem maðurinn er að selja.
Jacob Nielsen er frægur sem "slim", "minimalist" nasisti þegar það kemmur að vef-layouti. Ef mér væri gefinn valkostur milli dæmigerðs MySpace layouts og useit.com, þá kysi ég hið síðara.
Það er algengur misskilningur að minimal sé sjálfkrafa ljótt. Það er alrangt. Síður sem þessi gera hins vegar ekki mikið til að hrekja þá kenningu.
En ég er svosem sammála, ef valið stæði á milli MySpace og useit.com þá er useit.com þó mun skárra.
Ég ætla hins vegar að halda því fram að þegar background-propertyinu var bætt við body-tagið hafi einhver veslings sál tryggt sér pláss í helvíti til eilífðarnóns.
Well, ef þú ert ekki með neinar embedded external myndir í HTML-inu þínu þá geturðu ekki gert neitt rosalega hluti visúalt -- allavega ekki fyrr en það er komið almennilegt browser support fyrir allt CSS2 og CSS3 (en þess má geta að Safari er þar langfremstur). Reyndar getur maður mínímíserað external resource loading ef maður embeddar myndir í CSSið sitt.
Sammála, body background attribjútið er misnotaðasti eiginleiki netsins. Það þarf samt ekki að vera alslæmt -- ég bendi bara á gradient bakgrunn þessarar síðu sem dæmi um smekklega notkun á því.
Hins vegar þá óska ég þeim sem fann upp BLINK taggið heitasta og hrikalegasta stað í helvíti. Af hverju er ennþá stuðningur í Firefox við þennan ófyrirgefanlega viðbjóð?
MySpace síður eru nógu pirrandi þegar maður er á hraðri tengingu, en þegar maður er fastur á ömurlega hægri cloggaðri tengingu eins og ég, þá eru þær algjör killer.
Um daginn fór ég inn á MySpace síðu sem hafði 243 external resources. Tvöhundruðufjörtíuogþrjá. Uppfinning Dr. Guillotine var hugsuð fyrir fólk sem gerir Internetinu svona lagað.
Reyndar, á meðan ég er að kvarta yfir þungum síðum, þá finnst mér vefsíður bankanna líka upp til hópa bloated og ónauðsynlega þungar.
Um daginn kom afar áhugaverð frétt um fund á fjarlægri reikistjörnu sem virðist hafa flest skilyrði lífs, sú fyrsta slíka sem finnst utan Jarðarinnar. Og við þessa grein var hlekkur á einhvern bloggara sem sagði að það ætti að senda barnaperra þangað. Hvað í djöflinu koma barnaperrar þessu við?!!! Það er óhjákvæmilegt að hinir og þessir heimskingjar klikki á því að halda hugsunum sínum fyrir sjálfa sig, en að birta þetta á vef eins helsta fjölmiðils landsins er fáránlegt.
0
▽
En hvað leggurðu til að við gerum sem finnst mbl.is hreinlega vera á of lágum standard til að vera boðlegur sem fréttamiðill?
Er til eitthvað greasemonkey script sem lagar það? ;)