Ég var að keyra í sund um daginn með útvarpið í gangi, og mér hlotnaðist sú ánægja að heyra hluta af manifestói Framsóknarflokksins fyrir kosningar. Eitt af því sem Framsóknarflokkurinn hyggst vist berjast fyrir er "að efla þróun á Íslandi." Þetta þótti mér afar merkilegt. Hvað felst eiginlega í að "efla þróun"? Og er einhver stjórnmálaflokkur sem vill ekki "efla þróun"?
Að sama skapi finnst mér asnalegt að Vaka, eitt af þessum runksamtökum í þessari ótrúlega irrelevant háskólapólitík, skuli kalla sig "félag lýðræðissinnaðra stúdenta". Félag lýðræðissinnaðra stúdenta? As opposed to what? Þeim fjölmörgu háskólaframboðum sem eru í dag fylgjandi tótalítaríanisma eða marx-lenínískri alræðisstjórn verkalýðsins?
Eitt af því sem gerir stjórnmál svo ógeðslegt fyrirbæri er allt tóma, merkingarsnauða orðskvaldrið sem menn reyna að selja manni sem stefnuskrá.
(Sveinbjörn)
Add Comment |
RSS Feed
Ekki nenni ég nú að láta draga mig út í einhverja umræðu um stúdentapólitík, sem ég veit ekkert um og hef engan áhuga á. Hins vegar vil ég segja að að hugtakið lýðræði er svo útþynnt og ofnotað að það er orðið merkingarlaust, og ég efast um að þorri manna hafi slíkan áhuga á stúdentapólitík að þeir túlki þetta manifestó í sögulegu ljósi. Annars minnir þetta mig eilítið á eftirfarandi tilvitnun:
"There isn't much point arguing about the word 'libertarian.' It would make about as much sense to argue with an unreconstructed Stalinist about the word 'democracy' -- recall that they called what they'd constructed 'peoples' democracies.' The weird offshoot of ultra-right individualist anarchism that is called 'libertarian' here happens to amount to advocacy of perhaps the worst kind of imaginable tyranny, namely unaccountable private tyranny. If they want to call that 'libertarian,' fine; after all, Stalin called his system 'democratic.' But why bother arguing about it?" - Noam Chomsky
Mér finnst dálítið afundið hjá þér Sveinbjörn, að skrifa grein sem að 1/3 hluta snertir inn á stúdentapólitík og vilja svo ekki "láta draga þig" út í umræðu sem gengur minnst út á sjálfa stúdentapólitíkina heldur einmitt það atriði sem þú varst sjálfur að vekja máls á.
Minnir mig dálítið á framgöngu femmana í KlámSögu málinu hér forðum.
0
▽
Tjah, þegar Vaka var stofnuð árið 1935 var það einmitt mótvægi við lenínista og þjóðernissinna. Nafnið er nú komið þaðan.
En þessi nafngift hefur gengið í endurnýjun lífdaga síðustu misseri þar sem andstæðar fylkingar vilja koma á kynjakvótum og fléttulistum út um allan bæ, sem eru ólýðræðislegir í meira lagi.
Annars alveg valid punktar hjá þér.