Sveinbjorn Thordarson

Jón Ögmundsson Skálholtsbiskup (1052 - 1121) var rammkristinn púrítani og keyrði í gegn breytingu á íslenskum dagaheitum -- það er honum að þakka að við höfum í dag frumleg og spennandi dagaheiti á borð við "þriðjudag", "miðvikudag", "fimmtudag" og -- best af öllu -- hinn illnefnda "föstudag", sem er dagur syndgunar og sukks frekar en hófsemis og föstu. Ég legg til að breytingum Jóns verði rúllað aftur og að blásið verði nýju lífi í fornheiðnu dagaheitin:

þriðjudagur --> týrsdagur

miðvikudagur --> óðinsdagur

fimmtudagur --> þórsdagur

föstudagur --> freysdagur

Svo legg ég líka til að Bandaríkjamenn (sem og aðrar þjóðir) hætti að nota breska Imperial mælingakerfið, og að tímaeiningar hætti að vera í Babýlónískum tylftum og verði þess í stað í metrískum tugum.

Og á meðan ég er að tapa mér í sjúklega óraunhæfri bjartsýni, þá óska ég líka eftir heimsfriði, og jafnrétti, frelsi og bræðralagi allra manna, ásamt drastískri aukningu á lauslátu kvenfólki.