Þeir lesendur mínir sem þjást af sífelldum ruslpósti hi-nem póstlistans kunna e.t.v. að hafa orðið varir við bréf undanfarna daga auglýsandi félagið Res Extensa, og ráðstefnu sem það félag heldur á næstu dögum um gagnrýna hugsun. Ég vil vekja athygli á að vefsíða félagsins keyrir á uppáhalds vefviðhaldskerfi okkar, Mentatinum sjálfum.
Á vefsíðu félagsins er því lýst sem "nýstofnað félag fólks sem hefur áhuga á og rannsakar hug, heila og hátterni fólks." En hví þá Res Extensa? Í tvíhyggju Descartes skiptist heimurinn í res extensa (þ.e.a.s. hlutir sem eru "extended in space") og res cogitans, sem er efni hugsana. Ef hugurinn telst meðal viðfangsefna félagsins þá væri res cogitans e.t.v. meira viðeigandi.
(Sveinbjörn)
Add Comment |
RSS Feed
Ég sótti þessa ráðstefnu og það var mjög gaman. Margt áhugavert kom fram. Svo hitti ég þetta lið um kvöldið á Næsta bar. Það var líka mjög gaman, og margt áhugavert kom fram. Svo gekk ég í þetta félag í dag og mér finnst þetta mjög gaman allt saman og áhugavert. Þetta á að vera svona þverfaglegur vettvangur fyrir cognitive science að mestu leyti skilst mér.
Hvernig myndirðu annars segja cognitive science á íslensku? Hugarvísindi? Kannski of líkt hugvísindum...
Ég sótti international kúrs við HÍ um árið sem hét Mind, Language and Cognitive Science. Það var þýtt yfir á íslensku sem Hugur, Mál og Hugfræði.
Auðvitað er hugvísindi tekið fyrir "humanities" núna, þannig að "hugfræði" verður vist að duga. Annars er allt í steypu varðandi þýðingar á svona hugtökum í íslensku. Það þyrfti að gefa út átorítatíva komprehensíva orðabók.
0
▽
Hróður mentatsins berst víða. Vel af sér vikið, Sveinbjörn. Ég var einmitt að skoða þessa síðu í dag, frekar pirrandi liturinn á sumu letrinu þarna. En hvernig stendur á því að þessi síða keyrir á mentatinum fræga?