Sveinbjorn Thordarson

Til þeirra sem ekki enn hafa frétt af því: Ég flyt til London eftir rúmar tvær vikur og er með flug bókað 16. september. Búseta mín í London mun vara í a.m.k. eitt og hálft ár, en verður að öllum líkindum til fjögurra eða fleiri ára. Áður en ég fer verð ég með einhvers konar teiti á kjallaraheimili mínu á Öldugötunni.

Um daginn varð mér hugsað til þess hversu afskaplega lengi ég hef búið hérna í kjallaranum á Öldugötunni -- ég flutti hingað niður í ársbyrjun 1997, sem sagt 10 samfelld ár frá og með næstu áramótum, ef undanskildar eru stuttar dvalir mínar í Kaupmannahöfn og Kanada.

Þegar ég fluttist hingað inn stútfyllti ég glerflösku nokkra af vatni, og sór að ég myndi flytjast á brott áður en vatnið í henni gufaði upp. Á myndinni til hægri sést flaskan í dag -- ég er greinilega a.m.k. 4-5 árum á undan áætlun...