Sveinbjorn Thordarson

"Sambýlismaður"?

Í Morgunblaðinu sá ég Noam Chomsky nýlega lýst sem "stjórnleysingja", og þá hafði greinarhöfundur greinilega þarna snúið orðinu "anarchist" yfir á íslensku, en Chomsky hefur gjarnan kennt sig við anarkisma. Ég sá ekki alveg tilganginn í þessari þýðingu, þar sem orðið "anarkisti" er, að ég held, gjaldgengt á íslensku, líkt og "kommúnisti" og aðrar tegundir af -istum.

Í kjölfarið fór ég að velta því fyrir mér hvernig snúa skyldi "kommúnisti" yfir á hreintunguíslensku. Nú er hefð, að mig minnir, fyrir því að þýða "sósíalisti" sem "félagshyggjumaður" eða e-ð álíka. Ég ræddi þetta stuttlega við Gunna félaga og við komumst að niðurstöðu: fyrst "kommúna" er sambýli, þá hlýtur "kommúnisti" að vera "sambýlismaður"...