Sveinbjorn Thordarson

Líffræði, stærðfræði, eðlisfræði, þekkingarfræði, bókmenntafræði, lífefnafræði, fyrirbærafræði, táknfræði, afbrotafræði, sálfræði, félagsfræði o.s.fv. -- listinn er langur. Hvað er að því að nota alþjóðlegu grísku heitin yfir fræðigreinar? Hversu mikið sem menn vilja þræta fyrir um það, þá er siðmenning Íslendinga, líkt og annarra evrópuþjóða, að mestu sótt í hinn gríska og latneska menningarheim fornaldar, sem og gyðingdóminn gegnum kristnitöku. Mér þykir ekkert athugavert við að sækja orð í þennan sameiginlega menningarstofn líkt og nágrannaþjóðirnar, enda slatti af slíkum orðum nú þegar til í íslensku. Sama gildir um tæknilegan og sérhæfðan orðaforða, sem festist aldrei í sessi sökum stærðar málsamfélagsins.

Ég er með blendnar tilfinningar gagnvart íslenskri málverndarstefnu og hef ekki myndað mér fasta skoðun í þeim efnum enn sem komið er. Hins vegar finnst mér það liggja í augum uppi að ef mönnum er á annað borð annt um íslenska tungu, þá er það sjálfsagt mál að gera notkun hennar hvarvetna eins þægilega og kostur er á. Fyrir vikið er það mér hulin ráðgáta hvers vegna orðabók menningarsjóðs er ekki aðgengileg landsmönnum á netinu. Það sýnist mér fýsilegri og nytsamlegri kostur heldur en að styrkja einungis bókaútgáfuna, enda flestir með aðgang að netinu, og það er flótlegri og þægilegri miðill til þess að fletta upp orðskýringum.

Á svipuðum nótum, hvers vegna er engin ókeypis íslensk-ensk/ensk-íslensk orðabók á netinu? Það eina sem mönnum býðst er ordabok.is, en sú þjónusta er ekki ókeypis. Reyndar vil ég benda þeim sem hafa áhuga á að nýta sér þjónustuna á ordabok.is án þess að greiða afnotagjald, að öryggismekanismi þeirra er einn sá vanhæfasti sem ég hef séð í vefforriti. Menn geta komist fram hjá mekanismanum sem krefst greiðslu með því að ganga í gegnum eftirfarandi skref:

• Farið á ordabok.is
• Sláið inn leitarorð inn í leitarslánna efst og smellið á "Finna"
• Upp kemur síða þar sem boðið er upp á reynsluaðgang. Hérna skal ýta á "English" hlekkinn í valblaði síðunnar. Ensk útgáfa af ordabok.is kemur upp.
• Núna er hægt að fletta upp öllum þeim orðum sem manni sýnist án takmarkanna.

Já, ekki er mekanisminn þarna betri en svo.

Nei sko, Platypus bara kominn á Apple hugbúnaðarvefinn.

Leigubílar í Reykjavík og Kaupmannahöfn kosta mikinn pening -- á annatímum eru of fáir til þess að svara eftirspurn, en á daginn hafa bílstjórarnir ekkert að gera. Ákveðnir menn sitja á úthlutuðum "leigubílaleyfum", sem eru forsenda þess að aka megi fólki löglega um gegn gjaldi, og svo er málum háttað að margir þeirra leigja út leyfið sitt til annarra. Mér þykir þetta með eindæmum heimskulegt og á allan hátt óréttlætanlegt ástand -- ríkið skapar hér einhvers konar "artificial" skort og mónópólíu sem ætti sér ekki stað án þessara grátlega heimsku afskipta af markaðinum, sem þjóna því hlutverki einu að vernda ákveðna stétt frá heilbrigðri samkeppni.

Eftir því sem ég fæ best séð, þá væri það hin mesta bót að afnema allar reglugerðir um leigubílaakstur -- leyfa öllum sem hafa ökuréttindi á annað borð að stunda akstur gegn gjaldi, og jafnframt gera mönnum það kleyft að þiggja far gegn gjaldi hjá þeim sem þeim sýnist. Það eru góðar ástæður til þess að ætla að leigubílaþjónustu í Reykjavík yrði töluvert ódýrari án ríkisafskipta. Svo lengi sem leigubílstjórar greiða sína skatta lögum samkvæmt, þá er svona rekstur eins og hver annar.

Við þetta má bæta að það er mér og flestum kúnnum ekkert hjartans mál hvort bílstjórar aki um í ryðguðum Trabant eða Mercedes-Benz. Ég nýti mér þessa þjónustu til þess að komast frá A til B. Það er tæpast ástæða fyrir gæðaeftirliti umfram það sem gildir um almenna einkabíla. Vilji menn ferðast um í fínum bifreiðum er þeim frjálst að bera kostnaðinn af því sjálfir.

Það er skammarlegt að haldið sé uppi vernd fyrir leigubílstjórastéttina, sem er fullkomnlega fær um að sjá um sig sjálfa í heilbrigðu markaðsumhverfi. Enn fremur er hér ekki um að ræða neina sérstaka samfélagslega hagsmuni, sanngirnissjónarmið eða almennt öryggi.

Þegar ég var búsettur í Aþenu í Grikklandi sumarið 1998 dáðist ég að skynsamlegum ferðamáta borgarbúa. Göturnar eru þaktar leigubílum -- annar hver bíll ber gula einkennislitinn. Bílarnir eru hræódýrir, tiltölulega snöggir um borgina, og taka upp fleiri en einn farþegahópinn ef höfðað er í sömu átt. Fyrir vikið komst ég fram og til baka um alla borgina í leigubílum án vandkvæða þótt ég væri blankur. Hvers vegna er hlutum ekki leyft að þróast í sömu átt í Reykjavík? Vegna vanhæfni stjórnenda og sérhagsmunabrasks.

Ég er búinn að ganga frá húsnæðismálunum mínum í Lundúnum. Ég mun búa í einkareknu stúdentahúsnæði í Lilian Knowles House. Kostar rúmlega hundrað pund á viku.

Lilian Knowles

Due for completion in summer 2006, Lilian Knowles will be home for approximately 360 students, almost all in single rooms with private shower/toilet facilities.

Location

The residence is situated about a 25 minute walk of the School on the northern edge of the City of London. It is close to the vibrant Spitalfields Market and Liverpool Street Station.

Cooking Facilities

Each kitchen contains an oven, stove with grill and fridge/freezer. There is also a microwave.

Facilities

The lower ground floor houses a student common room and TV room. Each bedroom has a data link to the School network and there is a computer suite with a number of workstations and a printer. Also available is an inexpensive, coin-operated laundry. The building features good disabled access.

Telephones

Every student may have access to his/her own telephone and voice mail service.

| Hello,
|
| my name is Klaus Goelker from Munich, Germany. 
| I think, it´s too hard (not to say outrageous) to drive 
| people to use Firefox, just to see your website
| http://www.sveinbjorn.org/ of course it can be displayed 
| with IE.  By the way, I was also redirected to the 
| Firefox-downloadpage using Firefox.
| Sincerely
|
| Klaus Goelker

Hello Klaus,

Thank you for your email, Klaus.  Your opinion is noted 
(although why you find this outrageous is beyond me 
-- I've had to deal with IE-only websites for years).  
I wish to point out, however, that Firefox is not required 
to visit my website.  What is required is a reasonably W3C 
standards compliant browser (e.g. Safari, Firefox,
Opera, OmniWeb, Mozilla, Konqueror).  Microsoft's Internet 
Explorer is for all practical purposes an obsolete browser -- 
it doesn't support CSS1 properly, and has virtually no 
support for CSS2 and CSS3, trailing many years behind 
the competition.  From what I've seen of the upcoming IE7,
it looks to be no improvement in this regard.  Furthermore, 
my website does not currently render properly
with Internet Explorer, due to bugs in IE's rendering model 
(e.g. the box model bug, incorrect behaviour in the 
float attribute, etc.), while it renders correctly in *all other* 
major browsers .

Now, I am aware that a lot of people use this third-rate 
browser -- it is my wish to push for improvement in their 
browsing habits.  I have no vested interest in making my 
website accessible to IE users -- and, as far as I'm concerned, 
market share does not justify catering to sloppy and 
incompetent technology implementations, never mind 
obsolete ones.

I am surprised at your claim that Firefox, too, is redirected.  
The redirection mechanism was extensively tested on 
multiple browsers on several different platforms, without fail. 
The only way that Firefox ends up being redirected to the 
Firefox download page is if you configure it to fake the 
MSIE user agent string, which is where I detect the browser 
being used.

Sincerely,
Sveinbjorn Thordarson

Djöfull getur fólk verið ógeðslegt. Hér sjást ísraelskar stúlkur skrifa skilaboð á sprengjur ætlaðar fjandmönnum Ísraelríkis.

Israeli girls write messages on a shell at a heavy artillery position near Kiryat Shmona, in northern Israel, next to the Lebanese border, Monday, July 17, 2006.

Rétt í þessu var mér að berast mjög merkilegur tölvupóstur.

From: Gerry Mendicino 
To: sveinbjorn
Subject: ext-reme scence with animals
Date: Mon, 17 Jul 2006 16:17:02 -0000

hi,
there is ext.reme video with girls and animals.
i think you didn't see it like this.
HLEKKUR

Nú veit ég ekki hversu stór markaðurinn fyrir bestiality er, en mér djöfull þarf maður að vera rosalegur til þess að senda milljónum manns tölvupóst bjóðandi þeim dýraklám.

HUGI: Ríkisstarfsmenn eru margir hverjir óánægðir með 
nýtt netfangakerfi hjá ríkinu. Það er víst þannig að 
notaðir eru 9 stafir, svo att-merkið og nafn viðeigandi 
stofnunar. Stafirnir 9 eru þrír fyrstu úr fornafni 
starfsmanns, svo þrír fyrstu úr föðurnafni/eftirnafni 
og svo þrír fyrstu stafirnir úr starfsheiti.
HUGI: Rúnar Karlsson, sérfræðingur, er víst hættur.

Í gær fór ég út úr borginni með föður mínum, upp í sumarbústaðinn okkar Moskvu. Faðir minn hefur keypt veiðileyfi fyrir Meðalfellsvatn, vatnið sem bústaðurinn stendur við, og hefur verið spenntur að nýta það. Fyrir vikið þá settum við mótorinn á gamla bátinn og fórum út á vatnið að veiða með spúnum -- fyrsta skipti sem ég veiði síðan ég var krakki.

Eftir dágóða stund beit fiskur á hjá mér, og ég dreg línuna inn -- það var lítill silungstittur. Krókurinn var fastur í kjaftinum á honum. Ég greip um silunginn fyrir aftan tálknin og fann skyndilega hrikalega til með greyið fiskinum, sem streitaðist þarna og þjáðist, blóð lekandi út úr honum. Samstundis reyndi hugurinn að réttlæta morð á fiskinum með kartesískum rökum -- "fiskurinn er bara átómaton -- stimulus-response maskína", "hann hefur ekki tilfinningar" -- en leiðrétti sjálfan sig strax, "gögnin sem ég hef fyrir því að menn þjáist eru ekkert mikið sterkari en gögnin fyrir því að fiskar þjást", "Hvaða djöfulsins homocentrismi er þetta í þér, Sveinbjörn? Hvað hefur fiskurinn gert þér?. Ég var með hálfgert andlegt óbragð.

Ég reyndi að losa krókinn eins varlega og ég gat, án þess að skemma neina vefi, og kastaði fiskinum aftur út vatnið. Mér varð þá hugsað til þess hversu mikill aumingi ég er orðinn -- aldrei kippti ég mér upp við þetta sem krakki. Og það sem verra er, ég er bölvaður hræsnari, því kvöldið áður át ég ljúffenga sushi máltíð.

HJALTI: Varstu búinn að frétta af ævintýrum A nú um helgina?
SVEINBJÖRN: Segðu, ævintýri A?  hljómar spennandi
HJALTI: það var massíft fyndið
HJALTI: Hann kom með mér, Döggu og Braga Sveins í útilegu 
í Reykholti
HJALTI: Þar var samankomið fullt af skemmtilegu fólki, en 
mestmegnis svona "góðir" krakkar - kórdrengir og píanóstelpur
HJALTI: A mætti þarna órakaður og fúll (var þegar 
búinn með þrjá bjóra þegar hann settist upp í bílinn hjá mér 
í Reykjavík)
HJALTI: Nú, svo um kvöldið upphefst drykkja mikil
HJALTI: Allir eru á rassgatinu (líka kórdrengir og 
píanóstelpur)
HJALTI: Um tvöleytið er svo farið í Snorralaug, sem er strangt 
til tekið ekki leyfilegt, enda um þjóðminjar að ræða
HJALTI: Allavega, þar er dvalið til morguns við innvortis 
og útvortis sull
SVEINBJÖRN: hahaha, A órakaður og fúll
HJALTI: A er sérstaklega liðtækur í því að sulla, 
bæði vatni á hárið á stelpunum sem hann skilur ekkert í að 
þær vilji ekki bleyta, en einkum þó að sulla bjór ofan í 
vélindað á sjálfum sér
HJALTI: Um sjöleytið fer svo fólk að tínast í tjöldin og 
við Dagga tínum saman síðustu bjórdósirnar
SVEINBJÖRN: hahaha
HJALTI: En þá er A búinn að vera horfinn í dágóða stund 
(allir héldu að hann hefði farið upp í tjald og drepist)
SVEINBJÖRN: hehehehehee
HJALTI: Kemur þá þar að lögreglubíll í fullum skrúða
SVEINBJÖRN: noh!
HJALTI: Borgarneslöggan er mætt á svæðið...ég reyndi að 
látast ekki taka eftir þeim (hélt að einhver hefði hringt 
og kvartað yfir vanvirðingunni sem væri verið að sýna 
fornminjunum)
HJALTI: Annar lögreglumannanna kemur gangandi til mín þar 
sem ég væflast um túnið sótölvaður og segir: "Góðan daginn...
þekkir þú nokkuð þennan mann?" og bendir á aftursæti bílsins
HJALTI: Þar situr A sem skartar sínu fegursta 
sólheimaglotti
SVEINBJÖRN: hahahaha
HJALTI: Hann stígur út úr lögreglubílnum, klæddur sundskýlu 
og einum sokk. Hafði verið pikkaður upp þannig við Þjóðveg 1
HJALTI: Ég hjálpa Lása löggu að klára dagbókarfærsluna (m.a. 
með því að gefa upp fullt nafn hins grunaða (þorði ekki að neita 
þeim um það))
HJALTI: á meðan strunsar A beint aftur út í pott
SVEINBJÖRN: hvað var málið?
HJALTI: Neitar svo að koma með upp í tjald
HJALTI: Enginn veit nákvæmlega hvað gerðist...við verðum eiginlega 
að biðja A að hringja í lögguna og fá skýrsluna hjá þeim

Í tilefni af heimsmeistarakeppninni í fótbolta vill nýútskrifaði heimspekingurinn Sveinbjörn Þórðarson bjóða gestum síðunnar upp á "The Ultimate Football Match":

Þýskaland vs. Grikkland

Ég var að fara í gegnum fyrstu edrú helgina mína síðan 2004 eða þar um bil. Það tókst.

Vil benda fólki á afar skemmtilegt viðtal í Kastljósinu við Richard Dawkins, þróunarlíffræðing og trúleysingja, um hversu hrikaleg trúarbrögð eru.

Það er frábært -- hann Dawkins kemur með kenningu sem ég hef lengi haldið á lofti: að á þversagnakenndan hátt þá sé að vissu leyti betra að hafa þjóðkirkju, því annars verða trúarbrögðin eins konar markaðsframtak, þurfa að beita sér harðar í áróðri og ná frekar fram, sbr. Bandaríkin.

Smá tilvitnun í þáttinn: "The real world is an exciting place. You don't really need an imaginary friend in the sky"

UPPFÆRT: Mér var bent á að þættir Dawkins um trúarbrögð, The Root of All Evil, eru á Google Video: 1. hluti og 2. hluti.

Will somebody please give Bush a blow job?!

Nei sko, ég sem hélt að hún væri íslensk.

Annars skilst mér að Reiknistofnun háskólans muni brátt ræna frá mér netfangi mínu til margra ára, sveinbt hjá hi punktur is. Ég vil biðja alla þá sem eru með þetta netfang skráð hjá sér að breyta því í hitt netfangið mitt, sem er sveinbjornt hjá simnet punktur is.

Glöggir gestir á þessa síðu munu hafa tekið eftir því að það er nú nýr hlekkur efst í valblaðinu sem ber heitið SMS. Ef smellt er á þennan hlekk, þá birtist síða sem býður mönnum að senda mér SMS skilaboð ókeypis gegnum netið. Menn geta haft þetta í huga ef þá langar til þess að senda mér skilaboð.

Var að uppgötva helvíti flott Mac OS X forrit sem heitir CoverFlow -- þetta leyfir þér að rúlla visually gegnum tónlistarsafnið þitt, og sjá geisladiskafrontana sem þrívíðarmyndir. Þannig verður stafræn ferð gegnum safnið svipuð því að fara í gegnum alvöru geisladiska:

Men who allow their love of power to give them a distrorted view of the world are to be found in every asylum: one man will think he is the Governor of the Bank of England, another will think he is the King, and yet another will think he is God. Highly similar delusions, if expressed by educated men in obscure language, lead to professorships of [German Idealist] philosophy.

-- Bertrand Russell "Power"

Ég vil benda fólki sem notar iTunes á þjónustu sem heitir MusicBrainz. Þetta er hugbúnaður sem greinir innihald MP3 eða AAC skráa, getur sér til um hvaða tónlist um er að ræða byggt á fingrafarinu, og setur að lokum ID3 tögg í samræmi við það. Þetta getur sparað manni heilmikla vinnu við að merkja tónlistina sína.

Hérna er hlekkur á Mac OS X-forrit sem notar þessa þjónustu