Sveinbjorn Thordarson

Við búum á tímum þar sem allir virðast eiga stafræna myndavél eða stafræna kvikmyndatökuvél, annað hvort sem staka græju eða sem hluta af farsíma eða tónlistarspilara. Við þetta vaknar upp sá möguleiki að athæfi manns sé fest á stafrænt form við óheppileg tilefni. Ég lenti t.a.m. nýlega í því að vera festur á vídeóupptöku þar sem ég var drukkinn í útskriftarpartýi. Þessi möguleiki á að festa mann á stafrænt form ber að varast, og ég legg til að ný sögn verði tekin í gagnið. Að stafræna einhvern er að festa athæfi hans á stafrænt form. Þá hefur viðkomandi aðila verið stafrænt -- fórnarlamb stafráns. Og þá gæti maður sagst hafa orðið fórnarlamb stafræningja.