Vinnufélagi minn hann Guðmundur linkaði á einhverjar tölfræðiniðurstöður lýðheilsustöðvar, þar sem samfélagslegur kostnaður reykinga er áætlaður 20 milljarðar á ári. Þessar tölur eru vægast sagt absúrd getgátur og þvæla. Þeir áætla að framleiðnistap vegna reykingapása í vinnu séu um 4 milljarðar á ári -- hvernig í fjandanum fá þeir það út? Hvernig mæla þeir framleiðni reykingafólksins miðað við aðra? Með getgátum? Slumpun? Hefur þeim kannski dottið í hug að reykingafólkið sé e.t.v. framleiðnara meðan það er á annað borð að vinna, enda nikótín örvandi lyf? Hvað með þá sem reykja ekki? Eyða þeir ekki bara tíma í aðra óframleiðna starfsemi á vinnustað?
Svona bógus tölur eru dæmigert fengnar með því að reikna með 15-20 mínútum af reykingapásum á 8 klst vinnudegi, á meðal-tímalaunum Íslendings -- en þetta lítur auðvitað framhjá alls kyns öðrum þáttum. Hvað ef það er aðallega láglaunafólk sem tekur reykingapásur? Þá væri efnahagslegi kostnaðurinn minni. Þess utan mætti bæta við að ég gæti áætlað svipaðan kostnað af klósettferðum starfsfólks -- ekki sjáum við herferðir sem hvetja fólk til þess að kúka áður en það fer í vinnuna.
Það fer í mínar fínustu taugar þegar fólk fer frjálslega með tölfræði.
(Guðmundur D. Haraldsson)
Add Comment |
RSS Feed
Ég er sammála þér! Flestir reykja í matartímunum sínum og er því að taka jafn miklar pásur og hver annar. Síðan veit ég ekki hvernig þeir ætla að ákvarða framleiðni í verslunum eða á öðrum stöðum þar sem fólk vinnur eftir því hversu margir viðskiptavinir koma. Einnig má benda á að þeir sem eru að vinna í verksmiðjuvinnu, fisk eða einhverju því um líkt, geta ekki farið í sígópásu, þar sem vélarnar eru ekki stöðvaðar þegar einhver þarf að gera eitthvað. Þessar tölur eru alltaf jafn skrítnar. Einnig má nefna þegar talað er um hversu mikið það kostar ríkinu að veita sjúkrahústengda þjónustu til reykingamanna. Hvernig getur það verið að þeir sem reykja eru alltaf að koma á sjúkrahús vegna þess? Það er ekki mögulegt. Ég veit það sjálfur þar sem ég vinn á spítalanum að þeir sem koma með COPD (króniska lungnaveiki) eru ekki allir reykingamenn, flestir eru astmasjúklingar. Ég fæ ekki þá niðurstöðu að offitusjúklingur sem reykir sé að fá hjartabilun út af reykingum en ekki offitu. Þessar tölur eru ekki að mínu skapi þar sem þær eru settar fram í áróðurskyni. Það er alveg rétt að reykingar séu slæmar og allt það, en það gefur mönnum ekki rétt til að ljúga!
446 núvirt er reyndar eins og 45 milljónir ári til eilífðarnóns við 10% ávöxtunarkröfu. Það er uþb kostnaður ríkisins við jafnréttisráð + stofu.
Leti min varnar mjer þess að skoða hlekkinn en sje þetta eitthvað í líkingu við rannsókn Þóru Helgadóttur á þessu hjer um árið gleymist einnig að taka tillit til nautnar reykingamannsins sem er nauðsynlegt við sona samfélagsbata/kostnaðar greininga.
0
▽
Dreptu sígarettu í auganu á honum Guðmundi.
--- G. H.