Sveinbjorn Thordarson

Ég er búinn að hlusta mikið á plöturnar Fab Four Suture, Mars Audiac Quintet og Emperor Tomato Ketchup með hljómsveitinni Stereolab -- come highly recommended. Þetta er mjög skemmtileg hljómsveit sem blandar smoky night club djassi og mónótaktísku gítarspili með áhrifum gamallar kvikmyndatónlistar ásamt furðulegum orgelum, synthum og fallegum kvenvókölum. Textarnir eru allir furðulegir -- hljóma eins og þeir komi upp úr frönskum kennslubókum í félagsfræði.

Ég hugsa að ég hafi uppgötvað rassgat alheimsins.

Ég veit að margir eru að lenda í því að vilja geyma YouTube myndbönd lókalt á tölvunni sinni. Hérna eru einfaldar leiðbeiningar:

• Finndu síðuna með viðkomandi YouTube myndbandi, og copy-aðu slóðina, sem ætti að líta einhvern veginn svona út: http://www.youtube.com/watch?v=ID, þar sem ID er einhver runa af tölum og bókstöfum
• Farðu á KeepVid, paste-aðu slóðinni inn í efsta textareitinn og smelltu á "Submit". Þá birtist hlekkur fyrir neðan. Smelltu á hlekkinn og veldu "Save to Desktop..." eða e-ð álíka (fer eftir vöfrum). Þá ætti gagnaflutningur að hefjast
• Að honum loknum skaltu sækja þér FLV spilara fyrir stýrikerfið þitt
• Nú ættir þú að geta geymt og spilað YouTube myndbönd án þess að vera tengdur við netið

Annars er síðan komin ný útgáfa af VLC vídeóspilaranum, sem getur spilað FLV og er sennilega fýsilegri kostur heldur en Wimpy.

Vinnufélagi minn hann Guðmundur linkaði á einhverjar tölfræðiniðurstöður lýðheilsustöðvar, þar sem samfélagslegur kostnaður reykinga er áætlaður 20 milljarðar á ári. Þessar tölur eru vægast sagt absúrd getgátur og þvæla. Þeir áætla að framleiðnistap vegna reykingapása í vinnu séu um 4 milljarðar á ári -- hvernig í fjandanum fá þeir það út? Hvernig mæla þeir framleiðni reykingafólksins miðað við aðra? Með getgátum? Slumpun? Hefur þeim kannski dottið í hug að reykingafólkið sé e.t.v. framleiðnara meðan það er á annað borð að vinna, enda nikótín örvandi lyf? Hvað með þá sem reykja ekki? Eyða þeir ekki bara tíma í aðra óframleiðna starfsemi á vinnustað?

Svona bógus tölur eru dæmigert fengnar með því að reikna með 15-20 mínútum af reykingapásum á 8 klst vinnudegi, á meðal-tímalaunum Íslendings -- en þetta lítur auðvitað framhjá alls kyns öðrum þáttum. Hvað ef það er aðallega láglaunafólk sem tekur reykingapásur? Þá væri efnahagslegi kostnaðurinn minni. Þess utan mætti bæta við að ég gæti áætlað svipaðan kostnað af klósettferðum starfsfólks -- ekki sjáum við herferðir sem hvetja fólk til þess að kúka áður en það fer í vinnuna.

Það fer í mínar fínustu taugar þegar fólk fer frjálslega með tölfræði.

Ég vil benda þeim sem eru með hýsingu á Arakkis að nýlega hef ég sett í gegn daglega afritunartöku á öllum vefgögnum, að vídeó og tónlistarskrám undanskildum. Þetta þýðir að það verða til eintök af vefjunum og tilsvarandi gögnum 45 daga aftur í tímann. Ef eitthvað slys skyldi koma fyrir, t.d. að gögn séu óvart strokuð út, þá getið þið talað við mig og ég get sótt þau úr einhverju afritinu. Ef einhver vill svo fá prívat eintak af vefnum sínum sem sitt eigið öryggisbackup (ef vefþjónsdiskurinn skyldi klikka), þá er bara spurning um að láta mig senda þetta á viðkomandi.

Að lokum vil ég svo biðja alla þá sem eru með vefhýsingu á Arakkis að senda mér tölvupóst á sveinbt at hi punktur is svo ég geti bætt þeim við svona "Server Notifications" póstlista.

UPDATE: Allir Mentat vefirnir eru komnir í útgáfu 3.0beta -- nýr gagnagrunnsbakendi. Látið mig vita ef það eru einhver vandamál -- þetta er nú einu sinni beta...

Í ljósi þess að mér býður iðulega við þeim hræsnurum sem íslenskar stjórnmálahreyfingar samanstanda af, þá varð mér hugsað til þess hvernig bæta mætti hið lýðræðislega ferli. Eins og stendur, þá veitir kerfið manni atkvæði til að gefa einhverjum umbun sína. En pressandi stjórnmálaspurning dagsins er ekki "Hverjir ættu að ráða?" heldur frekar "Hvernig komum við í veg fyrir að þeir sem ráði fokki okkur over?". Fyrir vikið, þá legg ég til að atkvæðagreiðslunni verði snúið við -- hver einasti kjósandi fær svokallað refsiatkvæði, sem hann setur á þann stjórnmálaflokk sem honum býður hvað allra allra mest við. Síðan fer sigur í kosningum til þeirra flokka sem eru minnst fyrirlitnir.

Ég held að þetta myndi gefa okkur eitthvað betra en núverandi kakistókrasíu. T.d. myndi Framsóknarflokkurinn líða undir lok samstundis...

Góðar fregnir! Mér var að berast tölvuskeyti þar sem mér er boðið graduate nám í London School of Economics, nánar tiltekið við deild þeirra í heimspeki, rökfræði og vísindum. Nú þarf ég að hugsa málin dálítið -- valið stendur þá milli King's College og LSE.

Ég var að kompæla forritið nmap og fékk eftirfarandi skilaboð:

nmapfe.c:114:2: error: #error "Your system does not appear to have GTK (www.gtk.org) installed. Thus the Nmap X Front End will not compile. You should still be able to use Nmap the normal way (via text console). GUIs are for wimps anyway :)"

Þess má geta að Trinity notar nmap til þess að hakka sig inn í tölvukerfi í annari Matrix myndinni. Yfirleitt klúðrar Hollywood alltaf öllu hvað tölvur og hökkun snertir, en daman í Matrix notar bæði ssh og nmap. Samt ömurleg mynd...

Who cares what the reviewers say? -- góð grein á Guardian um hvernig draslpoppfyrirbæri sem krítíkerarnir éta í sig virðast samt vera arðbær.

Ég komst að því nýlega að ég á nafna nokkurn, Sveinbjörn Johnson, sem var "Justice of the Supreme Court" í Bandaríkjunum á árunum 1923-1926. Hann var líka Attorney General í Norður-Dakóta fylki um skeið, og loks prófessor við Illinois-háskóla. Þetta var auðvitað maður af íslenskum uppruna -- hann hlaut heiðursgráðu í lögfræði frá Háskóla Íslands árið 1930.

Það verður slatti af Internal Server Error skilaboðum í dag, á öllum vefjum hýstum á Arakkis. Þetta er vegna þess að ég er búinn að flytja Mentat yfir í hreint mod_perl. Þessu mun ljúka einhvern tímann þegar ég kem heim úr vinnunni í dag.

Ég rakst um daginn á lýsinguna "people with room-temperature IQs", og gat ekki annað gert en að velta því fyrir mér hvaða mælieiningu er átt við. Að því gefnu að stofuhiti sé um 25 gráður celsíus, þá virðist IQ slíks fólks geta verið 25 (Celsius), 77 (Fahrenheit) eða 298 (Kelvin).

Annars vil ég benda á eftirfarandi síðu: I Hate Personal Weblogs.

Í dag kláraði ég síðasta prófið sem ég mun nokkru sinni taka við Háskóla Íslands. Taktíkin mín virðist hafa virkað -- mér gekk býsna vel þrátt fyrir að hafa eytt allri helginni í annað hvort drykkju, þynnku, eða samblöndu af þessu tvennu.

Annars vil ég bæta því við að fréttaflutningur hér á landi er fyrir neðan allar hellur. Hver telur eftirfarandi virkilega vera fréttnæmt?

Það er próf hjá mér á mánudaginn í enskri málsögu. Ég ætla samt að gleyma prófinu og fá mér í glas í kvöld, og til helvítis með samviskubitið. Það mætti í raun segja að ég sé að "gleyma til þess að drekka".

Annars þá ætla ég að verða ríkur á því að finna upp einhvern sterkan, nasty drykk og markaðssetja hann undir heitinu "Curse". Síðan verður slóganið "'Curse' is the drink of the working classes".

Merkilegt -- enska sögnin fyrir að reikna, to calculate, og á sama hátt calculus, stærðfræðigreining, er dregin af latneska orðinu fyrir smástein.

calculus from L. calculus "reckoning, account," originally 
"pebble used in counting," dim. of calx (gen. calcis) 
"limestone." Modern mathematical sense is a 
shortening of differential calculus. Also used from 
1732 to mean "concretion occurring accidentally in 
the animal body," as dental plaque, kidney stones, etc.

Nú telst ég töluverður anglophile, en ég verð þó að segja að mér hefur ávallt þótt flestallar vörur af breskri gerð afskaplega lélegar. Húsnæði í Bretlandi er afleitt -- illa einangrað og óvandað. Pípulagnir, ljósastaurar, klósett, rafkerfi og hitakerfi -- allt er þetta af einstaklega óvandaðri gerð. Ofan á það, þá kostar það formúu og tekur langan tíma að fá einhvern til þess að fást við viðgerðir þegar þetta bilar. Hvað er eiginlega málið? Þetta fólk stjórnaði eitt sinn heimsveldi sem spannaði fjórðung af heiminum, en það getur ekki einu sinni byggt almennileg hús?

Hah!

Í enn eitt sanna ég hversu rangt þetta tannskemmdarparanójulið hefur fyrir sér. Var hjá tannlækninum mínum í dag. Ég drekk 2 lítra af kóki á dag og reyki mikið af sígarettum, en hef ekki eina einustu skemmd.

Noh, góðkunningi okkar hann Maddox er kominn með grein um sig á CNN.

Síðan hef ég líka alltaf vitað að Svíar eru tussur...

Jæja, ég er loksins búinn með BA ritgerðina mína, og mun formlega skila henni inn síðar í dag. Í millitíðinni hef ég skellt henni hér upp á vefinn áhugasömum til aflestrar. Hún ber heitið "Simplicity as Theoretical Virtue", og fjallar um mögulegt hlutverk einfaldleika í að gera upp milli annars álíkra kenninga.

Því meira sem ég les um iðnvæðingu 19du aldar, því meira býður mér við því sem Milton Friedman sagði -- maður hefði haldið að Nóbelsverðlaunahafi í hagfræði myndi gera sér grein fyrir því að þótt hagvöxtur og framleiðsluaukning sé mikill, þá skilast það ekki nauðsynlega í bættum lífskjörum fyrir meirihlutann, hvað þá alla.

Ég vaknaði alveg helþunnur áðan eftir debauchery gærkvöldsins og fór að lesa greinar á Wikipediu á meðan ég reykti fyrstu sígarettu dagsins. Eftir smá tíma þá fór ég að spá í því hvað það er "completely and utterly absurd" að sitja á nærbuxunum einum kl. 15:00, hokinn yfir tölvunni að lesa grein um skammtarökfræði með sígarettu lafandi úr munnvikinu.

Mér varð hugsað til þess um daginn, að skoðanakannanir eru enn óáreiðanlegri heldur en ég hélt. Ég hef alltaf verið skeptískur á niðurstöður slíkra kannana af þeirri einföldu ástæðu að ef þú tekur þúsund manns af handahófi úr, segjum, 10 þúsund manna hóp, þá er frekar vafasamt að draga ályktanir um hópinn út frá þessum þúsund svörum af eftirfarandi ástæðum:

En nú var mér að detta eitt annað í hug. Jafnvel að því gefnu að allir svari satt, og að úrtakið sé fullkomin sneiðmynd, þá eru niðurstöðurnar ennþá mjög brenglaðar, og það af eftirfarandi ástæðu:

Þessi hópur fólks gæti verið mjög stór. Kannski ætti að framkvæma skoðanakönnun sem spyr fólk um hvort það svari skoðanakönnunum?

Hérna má sjá tóbaksverð hjá ÁTVR fyrir árið 2006. Karton af Marlboro Lights (White) kostar skv. verðlista 4.530 krónur. Þetta þýðir að meðal verslunin í Reykjavík græðir um 100 kr. per pakka, sem samsvarar u.þ.b. 24% álagningu. Það þykir mér fremur mikið.

Ég hef einnig verið að hugleiða annað: Ef réttlætingin á okursköttun tóbaks er sú að það sé heilsuspillandi, af hverju er þá ekki sköttunin í samræmi við tjöru- og nikótínmagn tóbaksins, líkt og áfengissköttun er í samræmi við áfengisinnihald? Samkvæmt núverandi verðlagningu, þá eru Camel filterslausar (10 mg tjöru) á sama verði og Winston Fine White (1 mg tjöru). Forræðis- og refsisköttun ríkisins getur í það minnsta verið sjálfri sér samkvæm...

Jæja, í dag byrjaði ég aftur að vinna hjá FRISK, og mun gera það til lok Ágústmánuðar, en þá flyt ég endanlega til Lundúna.

Ég er búinn að koma upp CentOS Linux kerfinu á vinnuvélinni sem mér var úthlutað. Þetta er Red Hat-baserað distró og keyrir GNOME gluggaumhverfið. Í fyrra keyrði ég KDE á SuSE Linux og var ekki impóneraður. Ég stórefast um að GNOME sé að fara að impónera mig neitt heldur. Verst er að nú fékk ég ekki flatskjá, heldur CRT. Þar sem augun mín eru óvön CRT skjám þá er ég strax orðinn þreyttur í þeim eftir tæpast þrjár klukkustundir. Þarf að kíkja betur á það...

Hlutirnir hafa aldeilis breyst á 15 árum. Hérna er forsíðufrétt Morgunblaðsins 16. september 1990. Definitely a slow news day...

Hér fyrir neðan birtist mynd af fréttinni. Hérna er orgínalinn.

Ég er búinn að taka JavaScript HTML editor kóðann TinyMCE og bæta honum við Mentat. Þetta ætti að leyfa fólki sem notar Firefox, IE (ugh!) eða Opera að breyta síðum og færslum grafískt, án þess að þurfa að skrifa inn HTMLið sjálft. Enn sem komið er virkar TinyMCE ekki almennilega í Safari, og fyrir vikið hefur þetta engin áhrif á þá sem nota hann að staðaldri.

Allir vefirnir hafa verið uppfærði með þessari nýjustu útgáfu. Ef menn vilja frekar skrifa inn HTML-ið sjálfir, þá er hægt að slökkva á TinyMCE í Configuration Panel í Mentat.

Þess má geta að nýjasta útgáfan af Mentat, 2.6.9, er með 400 færri línum af kóða heldur en sú síðasta. Allt forritið er nú um 2400 línur, ef grundvallar HTML-ið er meðtalið. Maður veit að maður er að gera eitthvað rétt ef að kóðinn er að minnka, en samt að bætast við fídusar.

Ég er almennt lítið gefinn fyrir Woody Allen, en nýjasta myndin hans Match Point er mjög góð. Comes highly recommended...