Sveinbjorn Thordarson

Úff, ég varð alveg sauðdrukkinn í gær ásamt Kalla og Tobba, og stór hluti kvöldsins er horfinn mér úr minni. T.d. man ég ekkert hvernig mér tókst að fá allar þessar skrámur á hnén, eða bráka litla puttann.

Smá Sherlock Holmes taktar virtust gefa eftirfarandi til kynna: ég hef komið heim ekki seinna en fimm um morguninn, sest niður, hlustað á lagið "Hanging Around" með The Stranglers og borðað leyfarnar af máltíðinni sem ég keypti á Krua Thai fyrr um kvöldið. Eftir það opnaði ég nýjan sígarettupakka úr kartoninu sem ég keypti í Svarta Svaninum fyrr þann daginn og reykti tvær sígarettur. Ég hlýt að hafa týnt kveikjaranum mínum, því ég fann eldspítupakka á borðinu. Ég hlýt einnig að hafa verið afskaplega drukkinn og í annarlegu ástandi, því þeir þrír bjórar sem eftir sátu í kælinum er ég fór út úr húsi í gærkvöldi lágu ósnertir.

Ach, það er ekki gaman að þurfa að pússla saman atburðum í lífi sínu, after the fact...