Þessi mynd var tekin í Austur-Berlín á ferðum mínum um Mið-Evrópu fyrr í haust. Þarna stend ég við bakka ánnar Spree og horfi á glæsilegan austur-þýskan arkítektúr. Þessi undurfagra bygging er das Palast der Republik (ísl. Lýðveldishöllin), fyrrum sæti þingsins í das Deutsche Demokratische Republik.
Þetta fyrirmyndarbarn byggingalistarinnar var smíðað úr málmi og asbesti á 8da áratuginum. Berlínarbúar eru nú í vandræðum með að rífa það því gríðarlegt magn af krabbameinsvaldandi asbest-efni myndi dreifast um svæðið ef beitt væri hefðbundnum niðurrifsaðferðum. Fyrir vikið er verið að rífa það í litlum bútum í einu af sérstökum teymum af mönnum í verndarbúningum með öndunargrímur.
Því miður náði ég ekki mynd af því, en er ég nálgaðist "höllina" sá ég að einhver hafði graffað orðið Kulturterrorisme í hvítum lit utan á hana.
~||~
Myndin hér að neðan sýnir þá byggingu sem stóð þarna áður en kommúnistarnir reistu brúna viðbjóðinn. Þetta var Schloss Berlin, lengi vel aðsetur Prússnesku aðalsfjölskyldunnar. Byggingin skaddaðist eilítið í síðari heimsstyrjöld, en var í lok stríðsins rifin af ráðamönnum DDR til þess að koma höggi á arfleifð imperíalista og gera pláss fyrir "glæsilegan" arkítektúr í anda sósíal-realisma. Ef til vill ætti maður að vera þakklátur fyrir að sömu viðhorf voru ekki ríkjandi meðal kommúnista í Tjekkóslóvakíu Austurblokkarinnar -- þá hefði e.t.v. Prag, perla Miðevrópu, glatast.
(Sveinbjörn)
Add Comment |
RSS Feed
http://en.wikipedia.org/wiki/Cathedral_of_Christ_the_Savior_%28Moscow%29
Hérna er dómkirkjan í Moskvu sem var eyðilögð (og sundlaug byggð í staðin). Á external linknum virðist vera hægt að horfa á það þegar hún var sprengd. Því miður sá ég enga góða mynd af sundlauginni.
ég ætla að leyfa mér að kvarta undan hatri ykkar á þeirri merkilegu og í senn hræðilega mistæku listastefnu konstrúktivisma. það er satt að margar byggingar konstrúktivismans voru hræðilega ljót, en til eru margar flottar byggingar þessara stefnu. einnigverð ég að benda á hversu kúl grafík konstrúktivismans er. reyndar eru íbúablokkir aldrei fallegar sem eru í þessum stíl, sama hvort þær eru í austrinu eða hér í vestrinu. mynduð þið vilja búa í úthverfi parísar? ekki ég!
0
▽
Sá þessa byggingu þegar ég var í Berlín, algjör hörmung.