Sveinbjorn Thordarson

Eins og mönnum er ef til vill kunnugt, þá voru sett lög í fyrra sem banna jákvæða umfjöllun um tóbaksreykingar í íslenskum fjölmiðlum. Ég hyggst hér með láta reyna á þessi nasista-ritskoðunarlög með því að brjóta gegn þeim. Ég geri ráð fyrir því að þessi vefsíða mín teljist íslenskur fjölmiðill þar sem hún er hýst á Íslandi og efni hennar (eða a.m.k. þessi grein) er á íslenskri tungu. Jæja, látum á það reyna:

Ahh! Þegar ég vakna á morgnana er fátt unaðslegra heldur en að kveikja í fyrstu sígarettu dagsins. Sætur og hressandi ilmurinn af nikótínhlöðnum tóbaksreyknum skilur eftir sig hlýja og notalega tilfinningu við hjartaræturnar. Fyrsti andadrátturinn af guðdómlegum reyk fyllir mig sæluvímu og færir mig guðunum nær. Þetta er upplifun sem enginn ætti að missa af -- gefandi, heilbrigður, uppbyggilegur og skemmtilegur hluti af lífi mínu.

Krakkar mínir, sérstaklega þið undir lögaldri, treystið mér, það er kúl að reykja. Ekki trúa áróðrinum í skólanum, ekki gleypa við ruglinu í Þorgrími Þráinssyni, þetta er GOTT og HEILBRIGT.

Nú er bara að bíða og sjá hvað gerist...